25.06.2026 | 13:21
Կովկասի հարցերով ՆԱՏՕ-ի հատուկ ներկայացուցիչը Բաքվում է
ՄԱԿ-ի ԱԽ-ն արտակարգ նիստ է հրավիրել
Քաղաքականություն
22.06.2025 | 19:17
ՄԱԿ-ի Անվտանգության խորհուրդն արտակարգ նիստ է գումարում Իրանի վրա ԱՄՆ-ի հարձակումների կապակցությամբ, հայտնում են իրանական լրատվամիջոցները։
Նիստը տեղի կունենա այսօր՝ 23։00-ին։ Նիստը կգումարվի Իրանի խնդրանքով։
Ռուսաստանը, Չինաստանը և Պակիստանը ՄԱԿ-ի Անվտանգության խորհրդում շրջանառության մեջ են դրել Իրանի վրա ԱՄՆ-ի հարձակումը դատապարտող բանաձևի նախագիծ:
Նրանք պահանջում են անհապաղ հրադադար և առաջարկում են երաշխավորել Իրանի խաղաղ միջուկային ծրագիրը՝ պատժամիջոցների վերացման դիմաց։
Իրանը պնդում է՝ իր դեմ ԱՄՆ-ի կողմից իրականացված հարվածները միջազգային իրավունքի և ՄԱԿ-ի կանոնադրության կոպիտ խախտում են։
Հիշեցնենք՝ ԱՄՆ նախագահ Դոնալդ Թրամփը ավելի վաղ հայտարարել է, որ ամերիկյան ավիացիան հարվածներ է հասցրել Իրանում գտնվող երեք միջուկային օբյեկտներին՝ Ֆորդոյում, Նաթանզում և Սպահանում։
Ամերիկայի նախագահը նաև ուղերձով է հանդես եկել։ Իր ելույթում, որը տևել է երեք րոպե, Թրամփն ասել է, որ Իրանի ապագան կամ խաղաղություն է, կամ ողբերգություն, և կան բազմաթիվ այլ թիրախներ, որոնք կարող են խոցվել ամերիկացի զինվորականների կողմից: Նա հայտարարել է, որ եթե խաղաղության գործընթացն արագ տեղի չունենա, ապա ԱՄՆ-ն այլ նպատակներ է հետապնդելու՝ ճշգրտությամբ, արագությամբ և հմտությամբ:
