06.10.2026 | 20:00
ՀՀ-ն ռուս-թուրքական սպառնալիքին կդիմակայի դեպի ԵՄ գնալով․ ուզում են Սյունիքը վերցնել․ Դավիթ Շահնազարյան. ՏԵՍԱՆՅՈՒԹ
ԱՍՀ նախարարը և ԱՄԿ տարածաշրջանային տնօրենը քննարկել են համագործակցության խորացման հնարավոր ուղղությունները
21.06.2025 | 18:19
ՀՀ աշխատանքի և սոցիալական հարցերի նախարար Նարեկ Մկրտչյանը և Աշխատանքի միջազգային կազմակերպության գլխավոր տնօրենի օգնական և Եվրոպայի ու Կենտրոնական Ասիայի տարածաշրջանային տնօրեն Բեատե Անդրեեսը քննարկել են համագործակցության խորացման հնարավոր ուղղությունները, այդ թվում՝
աշխատանքային իրավունքների պաշտպանության, արժանապատիվ աշխատանքի խթանման, սոցիալական գործընկերության զարգացման և քաղաքականության համատեղ մշակման մեխանիզմների ներդրման ուղղությամբ։ ։ Այս մասին տեղեկացնում է ԱՍՀ նախարարությունը։
Հանդիպման ընթացքում անդրադարձ է կատարվել հունիսի 20–ին կայացած Սոցիալական արդարության միջազգային ամենամյա 3-րդ համաժողովի բովանդակային արդյունքներին, որն անցկացվել է Հայաստանի՝ Աշխատանքի միջազգային կազմակերպության նախաձեռնած «Սոցիալական արդարության գլոբալ կոալիցիա» գործընթացին միանալու շրջանակում։
Ըստ գերատեսչության՝ նախարար Մկրտչյանն ընդգծել է, որ ՀՀ-ի այս անդամակցությունը ևս մեկ անգամ հաստատում է Հայաստանի հանձնառությունը՝ նպաստելու աշխատանքի ոլորտում արդար, ներառական և արժանապատիվ պայմանների ձևավորմանը՝ միջազգային գործընկերների հետ համատեղ։
«Կողմերը պայմանավորվել են շարունակել կառուցողական երկխոսությունը և իրականացնել համատեղ գործողություններ՝ ԱՄԿ-ի հետ համագործակցության օրակարգն ընդլայնելու նպատակով»,- ասված է հաղորդագրությունում։
