06.10.2026 | 21:45
Հայկ Սարգսյանը և Ավետիք Օրդյանը հեռացվել են «Քաղաքացիական պայմանագիր» կուսակցությունից
ԱԳ փոխնախարարը և Սոնյա Վերոնիկա Բյորկլունդը ընդգծել են ՀՀ-ի և Կարմիր Խաչի և Կարմիր Մահիկի միջազգային ֆեդերացիայի միջև համագործակցության կարևորությունը
Քաղաքականություն
19.06.2025 | 22:43
Հունիսի 19-ին ՀՀ ԱԳ նախարարի տեղակալ Ռոբերտ Աբիսողոմոնյանը և Կարմիր Խաչի և Կարմիր մահիկի ընկերությունների միջազգային ֆեդերացիայի (IFRC) Հարավային Կովկասի երկրների կլաստերային պատվիրակության ղեկավար Սոնյա Վերոնիկա Բյորկլունդը մտքեր են փոխանակվել հումանիտար խնդիրների հասցեագրմանն ուղղված ընթացիկ ծրագրերի և հետագա համագործակցության հեռանկարների վերաբերյալ։ Այս մասին տեղեկացնում են ԱԳՆ-ից։
«Հանդիպմանը երկուստեք ընդգծվել է Հայաստանի և Կարմիր Խաչի և Կարմիր Մահիկի միջազգային ֆեդերացիայի միջև համագործակցության կարևորությունը, մասնավորապես՝ տարածաշրջանի առջև ծառացած հումանիտար խնդիրների հասցեագրման համատեքստում:
ԱԳ նախարարի տեղակալը վերահաստատել է Հայաստանի պատրաստակամությունը՝ մարդասիրական բնույթի հարցերի շուրջ միջազգային գործընկերների և հումանիտար կազմակերպությունների հետ համագործակցության ընդլայնման և խորացման հարցում»,- ասված է հաղորդագրության մեջ:
Նշվում է, որ անդրադառնալով Լեռնային Ղարաբաղից բռնի տեղահանվածների կարիքներին՝ ԱԳ նախարարի տեղակալն իր գործընկերոջն է ներկայացրել ՀՀ կառավարության կողմից իրականացվող ջանքերը՝ ուղղված միջնաժամկետ և երկարաժամկետ խնդիրների հասցեագրմանը, և ընդգծել այս հարցում միջազգային աջակցության շարունակականության կարևորությունը:
