08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Իրանի ԱԳ նախարարը վերջին շաբաթում մի քանի անգամ հեռախոսազրույց է ունեցել Թրամփի բանագնացի հետ
Քաղաքականություն
19.06.2025 | 23:24
Իրանի արտաքին գործերի նախարար Աբբաս Արաղչին վերջին շաբաթվա ընթացքում մի քանի անգամ հեռախոսազրույց է ունեցել ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթկոֆի հետ։
Այս մասին Reuters-ին հայտնել է երեք դիվանագետ անանունության պայմանով, փոխանցում է BBC-ի ռուսական ծառայությունը։
Արաղչին ասել է, որ պաշտոնական բանակցությունները չեն վերսկսվի, եթե Իսրայելը չդադարեցնի Իրանի վրա հարձակումները։ Միաժամանակ նա և Ուիթկոֆը մայիսին քննարկել էին ԱՄՆ առաջարկը, որը թույլ կտար Իրանին հարստացնել ուրանը խաղաղ նպատակներով երկրի սահմաններից դուրս։
Աղբյուրները հայտնել են, որ Ուիթկոֆը և Արաղչին այդքան հանգամանորեն չեն խոսել նույնիսկ ապրիլին Իտալիայում և Օմանում կայացած պաշտոնական բանակցությունների ժամանակ։
Այդ բանակցությունները հիմնականում ընթացել են միջնորդի միջոցով, և միայն դրանից հետո երկու երկրների պատվիրակությունները կարճ ժամանակով հանդիպել են նույն սենյակում։
Reuters-ը նշում է, որ Թեհրանը և Վաշինգտոնը դեռևս պաշտոնապես չեն մեկնաբանել այս տեղեկատվությունը։
Թարգմանությունը` Էմմա Չոբանյանի
