17.05.2026 | 17:13
Մետրոպոլիտենում առաջացած տեխնիկական խափանումը վերացվել է
Ինչպես է պատահել, որ քաղաքային ավտոբուսի մասնակցությամբ ՃՏՊ-ի վարորդը ոչ սթափ վիճակում է եղել․ Գեղամ Ասատրյանի պարզաբանումը
19.06.2025 | 14:57
Երևանի ավտոբուս ՓԲԸ-ի խոսնակ Գեղամ Ասատրյանը պարզաբանել է, թե ինչպես է պատահել, որ քաղաքային ավտոբուսի մասնակցությամբ ՃՏՊ-ի վարորդը ոչ սթափ վիճակում է եղել։
«Տեղեկացնում եմ, որ առավոտյան Իսակովի պողոտայում ՃՏՊ վթար է տեղի ունեցել թիվ 23 երթուղին սպասարկող քաղաքային ավտոբուսի մասնակցությամբ։ Վարորդների սթափության փորձաքննությամբ պարզվել է, որ ավտոբուսի վարորդը եղել է ոչ սթափ։
Հարկ եմ համարում ընդգծել, որ առավոտյան ժամը 07:15-ին «Երեւանի ավտոբուս» ՓԲԸ-ի բուժակների կողմից հավաքակայանում ամենօրյա ստուգումների արդյունքում վարորդը երթուղի դուրս գալիս եղել է սթափ։
Վարորդից վերցվել է բացատրություն, պարզվել է, որ վերջինս ալկոհոլ օգտագործել է հավաքակայանից դուրս գալուց հետո սկզբնակետում։ Որոշում է կայացվել վարորդին ազատել աշխատանքից»,- գրել է Ասատրյանը։
