04.08.2026 | 15:31
Ես բարեգործություն արել եմ, երբ Փաշինյանը դեռ ծնված չէր. Սամվել Կարապետյան. ՏԵՍԱՆՅՈՒԹ
Թուրքիայում Փաշինյան-Ալիև հանդիպում նախատեսված չէ․ վարչապետի խոսնակ
Քաղաքականություն
19.06.2025 | 13:37
Թուրքիայում Փաշինյան-Ալիև հանդիպում նախատեսված չէ։ Այս մասին Factor.am-ին հայտնեց ՀՀ վարչապետ Նիկոլ Փաշինյանի մամուլի խոսնակ Նազելի Բաղդասարյանը։
Վարչապետը երեկ լրագրողերի հետ զրույցում էր պաշտոնապես հաստատել, որ հունիսի 20-ին Թուրքիայի նախագահ Էրդողանի հրավերով մեկնում է Անկարա։
Նա, սակայն, այցի օրակարգի վերաբերյալ մանրամասներ չէր հայտնել։
«Հանրության համար նախատեսվում է այցի օրակարգի մասին համատեղ հայտարարություն` ըստ փոխադարձ պայմանավորվածությունների, դրա կետերը նախապես հրապարակել չի նախատեսվում»,- ասել էր Փաշինյանը։
Թուրքական կողմը երեկ հաստատել էր այցի մասին տեղեկությունը՝ նշելով, որ Էրդողանը Փաշինյանին կընդունի Ստամբուլում։ Այսօր Թուրքիա է մեկնում նաև Ադրբեջանի նախագահ Իլհամ Ալիևը։
Նշենք, որ այսօր ԱԺ-ում «Քաղաքացիական պայմանագիր» խմբակցության պատգամավոր Արման Եղոյանը լրագրողների հետ ճեպազրույցի ժամանակ չէր բացառել, որ Անկարայում կարող է Փաշինյան-Էրդողան-Ալիև եռակողմ հանդիպում լինել։
Հիշեցնենք, որ հունիսի 5-ին Փաշինյանը հեռախոսազրույց էր ունեցել Էրդողանի հետ։ Ըստ պաշտոնական հաղորդագրության՝ երկու երկրների ղեկավարները քննարկել էին Հայաստան-Թուրքիա հարաբերություններին և տարածաշրջանային զարգացումներին վարաբերող հարցեր և պայմանավորվել շարունակել երկխոսությունը։
Մայիսի 16-ին էլ երկու երկրների ղեկավարները զրույց էին ունեցել Տիրանայում։ Անցած տարի սեպտեմբերին ՄԱԿ-ի Գլխավոր վեհաժողովի 79-րդ նստաշրջանի շրջանակում տեղի էր ունեցել Փաշինյանի և Էրդողանի ևս մեկ հանդիպում:
Փաշինյանը 2023-ի հունիսին այցելել էր Թուրքիա՝ մասնակցելու Էրդողանի երդմնակալության արարողությանը։
Մանյա Պողոսյան
