07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Վարչապետի խոսնակը՝ Նիկոլ Փաշինյանի՝ Թուրքիա մեկնելու լուրերի մասին
Քաղաքականություն
12.06.2025 | 17:10
Վարչապետի մամուլի խոսնակ Նազելի Բաղդասարյանը ո՛չ հաստատում, ո՛չ հերքում է Նիկոլ Փաշինյանի Անկարա մեկնելու և Թուրքիայի նախագահ Ռեջեփ Թայիփ Էրդողանի հետ հանդիպման մասին շրջանառվող տեղեկատվությունը։
«ՀՀ վարչապետի բոլոր միջազգային այցերի վերաբերյալ ժամանակին տրամադրվում է պատշաճ տեղեկատվություն»,- Factor.am-ի հարցին ի պատասխան՝ նշեց Նազելի Բաղդասարյանը։
Ավելի վաղ 24News-ը, հղում անելով սեփական բարձրաստիճան դիվանագիտական աղբյուրին, հայտնել էր, որ Նիկոլ Փաշինյանը հունիսի 20-ին մեկնելու է Թուրքիայի մայրաքաղաք Անկարա, որտեղ հանդիպում է ունենալու Էրդողանի հետ։
Հիշեցնենք, որ մայիսի 16-ին Տիրանայում Նիկոլ Փաշինյանը զրույց էր ունեցել Թուրքիայի նախագահի հետ։ Անցած տարի սեպտեմբերին էլ ՄԱԿ-ի Գլխավոր վեհաժողովի 79-րդ նստաշրջանի շրջանակում տեղի էր ունեցել Փաշինյանի և Էրդողանի ևս մեկ հանդիպում:
Մանյա Պողոսյան
