23.05.2026 | 20:32
Մենք ամենափորձառու ուժն ենք, իշխանությունը մեր դեմ դնելու բան չունի. Էդմոն Մարուքյան. ՏԵՍԱՆՅՈՒԹ
Իգդիրի նահանգապետը Հայաստանի հետ սահմանային անվտանգության ստուգումներ է անցկացրել
Քաղաքականություն
18.06.2025 | 21:43
Իգդիրի նահանգապետ Էրջան Թուրանն այցելել է Թուրքիա-Հայաստան սահմանին գտնվող Սուբաշի սահմանային վաշտ և Բեշթաշի սահմանային խմբի բազա, որտեղ անցկացրել է սահմանային անվտանգության ստուգումներ։
Թուրքական լրատվամիջոցների հաղորդմամբ՝ այցի ընթացքում նահանգապետ Թուրանին ուղեկցել է կայազորի հրամանատար, բրիգադի գեներալ Ջավիթ Թութունջուն։ Նա նահանգապետ Թուրանին մանրամասն տեղեկատվություն է տրամադրել սահմանային գծում իրականացվող անվտանգության միջոցառումների մասին։
«Մեր հերոս զինվորները, որոնք մեր ազգի խաղաղության և անվտանգության երաշխավորներն են, միշտ ծառայության մեջ են։ Մենք շարունակում ենք աշխատել մեր հայրենիքի և ազգի անվտանգության և բարեկեցության համար»,-ասել է Թուրանը զինվորների հետ հանդիպմանը։
Թարգմանությունը՝ Էմմա Չոբանյանի
