09.08.2026 | 15:31
Հրդեհը բռնկվել է տանը կից շոգեբաղնիքում․ ՆԳՆ
Լավրովն ու Բայրամովը քննարկել են Իրան-Իսրայել հակամարտության հետևանքով ստեղծված անվտանգային իրավիճակը
Քաղաքականություն
18.06.2025 | 22:24
ՌԴ ԱԳ նախարար Սերգեյ Լավրովն ու Ադրբեջանի ԱԳ նախարար Ջեյհուն Բայրամովը հեռախոսազրույց են ունեցել։ Ադրբեջանի ԱԳՆ-ի հաղորդմամբ՝ հեռախոսազրույցի ընթացքում քննարկվել են Իսրայել-Իրան հակամարտության հետևանքով ստեղծված անվտանգային իրավիճակը, ինչպես նաև՝ Ադրբեջանի և Ռուսաստանի միջև երկկողմ և տարածաշրջանային համագործակցության հարցեր։
ՌԴ արտաքին գործերի նախարարը շնորհակալություն է հայտնել Ադրբեջանի ղեկավարությանը և բոլոր համապատասխան մարմիններին՝ Իրանից Ռուսաստանի քաղաքացիների, այդ թվում՝ արվեստագետների տարհանման հարցում Բաքվի կողմից ցուցաբերված աջակցության համար։
«Կողմերը լուրջ մտահոգություն են հայտնել տարածաշրջանում իսրայելա-իրանական հակամարտության հետևանքով ստեղծված անվտանգության իրավիճակի վերաբերյալ՝ ընդգծելով հակամարտության դիվանագիտական կարգավորման կարևորությունը»,- ասվում է հաղորդագրության մեջ։
Լավրովն ու Բայրամովը նաև մտքեր են փոխանակել փոխադարձ հետաքրքրություն ներկայացնող այլ հարցերի շուրջ։
Թարգմանությունը՝ Էմմա Չոբանյանի
