16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Չինաստանը նաև ՀՀ-ն է դիտարկում որպես Իրանից իր քաղաքացիների տարանման ճանապարհ
Քաղաքականություն
17.06.2025 | 22:26
Չինաստանը սկսել է իր քաղաքացիների տարհանումը Իսրայելից և Իրանից: Չինաստանի արտաքին գործերի նախարարությունը հայտարարել է, որ դեսպանատներն ու հյուպատոսությունները օգնել են տարհանվել փորձողներին մարտերի սկսվելուց ի վեր, չնայած մանրամասներ չի տրամադրել, թե ինչ ջանքեր են գործադրվում։
Միևնույն ժամանակ, Չինաստանի իշխանությունները կապի մեջ են Իրանի, Իսրայելի և տարբեր կողմերի հետ՝ հրադադարը խթանելու համար: Երեքշաբթի օրը մամուլի ասուլիսի ժամանակ հայտարարել է այդ երկրի արտաքին գործերի նախարարության խոսնակ Գուո Ջյակունը։
«Չինաստանը կոչ է անում բոլոր համապատասխան կողմերին, մասնավորապես այն երկրներին, որոնք հատուկ ազդեցություն ունեն Իսրայելի վրա, կրել իրենց պատասխանատվությունը, անհապաղ միջոցներ ձեռնարկել լարված իրավիճակը հանդարտեցնելու և հակամարտության սրումն ու տարածումը կանխելու համար», – ասել է Գուոն՝ առանց որևէ երկիր անվանելու։
Վերջին օրերին Իսրայելում և Իրանում Չինաստանի դեսպանատները բազմաթիվ նախազգուշացումներ են տարածել չինացի քաղաքացիներին՝ անվտանգության միջոցառումները ուժեղացնելու և զարգացումները ուշադիր հետևելու համար։
Իսրայելի դեպքում ծանուցման մեջ թվարկված են մի քանի ցամաքային անցակետեր, բայց խորհուրդ է տրվում Չինաստանի քաղաքացիներին լքել երկիրը Հորդանանով։
Իրանում Չինաստանի դեսպանատունը նմանատիպ տարհանման ծանուցում է տարածել իր պաշտոնական WeChat էջում։ Նշվում է, որ Իրանի օդային տարածքը դեռևս փակ է, և կա ռիսկ, որ Իրանի ցամաքային սահմանային անցակետերը նույնպես կփակվեն մոտ ապագայում։
Ծանուցման մեջ թվարկված են Թուրքիա, Հայաստան և Թուրքմենստան մուտք գործելու սահմանային կետերը։
Չինաստանի նախագահ Սի Ցզինպինն էլ երեքշաբթի օրը կոչ է արել իսրայելա-իրանական հակամարտության լարվածության հասնել «հնարավորինս շուտ», փոխանցում է չինական «Սինխուա» լրատվական գործակալությունը։
«Բոլոր կողմերը պետք է աշխատեն հակամարտության լարվածության թուլացման և լարվածության հետագա սրումը կանխելու ուղղությամբ», – ասել է նա Ղազախստանում Ուզբեկստանի նախագահի հետ հանդիպման ժամանակ։
Թարգմանությունը՝ Էմմա Չոբանյանի
