21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Իսրայելը հարվածներ է հասցրել Իրանի Քերմանշահ քաղաքին․ լրջորեն վնասվել է տեղի հիվանդանոցը․ ՏԵՍԱՆՅՈՒԹ
Քաղաքականություն
16.06.2025 | 14:23
Երկուշաբթի Իսրայելը հարվածներ է հասցրել Իրանի արևմտյան Քերմանշահ քաղաքին։ Հզոր պայթյուններ են տեղի ունեցել, որի հետևանքով զոհվել է մի քաղաքացի, հայտնում է Iran International-ը։
Նշվում է, որ հարձակման թիրախ է դարձել քաղաքի նավթավերամշակման գործարանը։
Իրանական Tasnim գործակալությունն էլ հայտնում է, որ այսօր առավոտյան ժամը 9-ի սահմաններում Քերմանշահ քաղաքի վրա Իսրայելի հարձակումից հետո լուրջ վնասներ է կրել Ֆարաբի հիվանդանոցը։ Վնասվել են բուժհաստատության բազմաթիվ սարքավորումներ, կոտրվել են պատուհանները, շենքի այդ հատվածում հոսպիտալացված հիվանդները վնասվածքներ են ստացել։
Հիշեցնենք, որ Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային գիտնականներ և խաղաղ բնակիչներ։ Իրանն էլ ի պատասխան՝ հարվածներ է հասցնում Իսրայելի տարածքին:
Թարգմանությունը՝ Էմմա Չոբանյանի
