16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Իսրայելին Իրանի գիշերային հարվածների հետևանքով զոհվել է 5, վիրավորվել ավելի քան 90 մարդ
Քաղաքականություն
16.06.2025 | 10:52
Իրանը լույս հունիսի 16-ի գիշերը հրթիռային հարված է հասցրել Իսրայելի կենտրոնական հատվածին։ The Times of Israel-ի փոխանցմամբ՝ հրթիռային հարվածի հետևանքով զոհերի թիվը հասել է 5-ի։ Ըստ հաղորդումների՝ վերջին զոհի մարմինը հայտնաբերվել է Փետահ Տիկվայում հարձակման հետևանքով վնասված բնակելի բարձրահարկ շենքի փլատակներում։
Նույն վայրում զոհվել էր ևս երեք մարդ։ Մյուս զոհը Բնեյ Բրակից է, որտեղ հրթիռը հարված էր հասցրել բնակելի թաղամասին։ Արտակարգ իրավիճակների ծառայությունը հայտնում է, որ 92 մարդ հոսպիտալացվել է, որոնց մեծ մասը թեթև վնասվածքներ ունի։
Որոնողական աշխատանքները շարունակվում են չորս պայթյունի վայրերից երկուսում։
Իրանի առողջապահության նախարարությունն էլ կիրակի երեկոյան հայտարարել էր, որ Իսրայելի կողմից եռօրյա հարվածների հետևանքով զոհվել է 224 մարդ, վիրավորվել՝ ավելի քան 1200-ը։
Հիշեցնենք, որ Իսրայելը հունիսի 13-ին հարձակում է սկսել Իրանի վրա՝ թիրախավորելով միջուկային օբյեկտները, ռազմական և էներգետիկ ենթակառուցվածքները: Հարվածների հետևանքով զոհվել են բարձրաստիճան զինվորականներ, միջուկային ոլորտի գիտնականներ և խաղաղ բնակիչներ։ Իրանն էլ ի պատասխան հարվածներ է հասցնում Իսրայելի տարածքին:
Թարգմանությունը՝ Էմմա Չոբանյանի
