07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ալիևի օգնականը հայտարարել է, թե Ադրբեջանի կողմից Իրանում էթնիկ ադրբեջանցիների տեղակայումը, որպես Իսրայելի գործակալներ, աբսուրդ է
Քաղաքականություն
13.06.2025 | 23:25
Վերջին օրերին որոշ լրատվամիջոցներ և սոցիալական ցանցեր Ադրբեջանի մասին բացարձակապես անհիմն և կեղծ տեղեկություններ են տարածում, հայտարարել է Ադրբեջանի նախագահ Իլհամ Ալիևի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը, գրում են ադրբեջանական լրատվամիջոցները։
«Վերջերս որոշ լրատվամիջոցներում և սոցիալական ցանցերի օգտահաշիվներում բոլորովին անհիմն և կեղծ պնդումներ են հայտնվել, թե, իբր, Ադրբեջանը էթնիկ ադրբեջանցիների է հավաքագրել որպես գործակալների և նրանց տեղակայում է Իրանում՝ որպես իսրայելցի գործակալների։ Նման անհեթեթ և երևակայության վրա հիմնված պնդումներն իրականության հետ որևէ կապ չունեն և ոչ այլ ինչ են, քան կանխամտածված ապատեղեկատվություն։ Մենք կտրականապես մերժում ենք նման կեղծ լուրերն ու անհիմն մեղադրանքները»,- հայտարարել է Հիքմեթ Հաջիևը։
Ավելի վաղ էլ Բաքուն հերքել էր ադրբեջանական ռազմական ինքնաթիռների՝ Իրանի հետ սահմանին թռիչքների մասին լուրերը։
Թարգմանությունը՝ Էմմա Չոբանյանի
