07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ԱՄՆ-ն Իսրայելի հարձակումից հետո ռազմական ռեսուրսները, այդ թվում՝ նավերը, տեղափոխում է Մերձավոր Արևելք
Քաղաքականություն
13.06.2025 | 22:14
ԱՄՆ երկու պաշտոնյաներ հայտնել են, որ ԱՄՆ ռազմական ռեսուրսները տեղափոխվում են՝ ի պատասխան Իսրայելի կողմից Իրանի վրա հարձակման և Թեհրանի կողմից հնարավոր պատասխանի, գրում է AP-ն։
Ռազմածովային ուժերը հրամայել են USS Thomas Hudner ականակիրին շարժվել դեպի Արևելյան Միջերկրական ծով, ինչպես նաև հրամայել են երկրորդ ականակրին շարժվել առաջ, որպեսզի այն պատրաստ լինի գործել Սպիտակ տան հրահանգով։
Պաշտոնյաներից մեկը հայտնել է, որ Թրամփը հանդիպում է Ազգային անվտանգության խորհրդի ղեկավարների հետ՝ իրավիճակը քննարկելու համար։ Պաշտոնյաները խոսել են անանունության պայմանով՝ դեռևս չհրապարակված մանրամասներ տրամադրելու համար։
Հիշեցնենք, որ Իսրայելի ռազմաօդային ուժերը հունիսի լույս 13-ի գիշերը հարվածել են Իրանի տարածքին, որից հետո Իսրայելը փակել է իր օդային տարածքը: Իսրայելի բանակի տվյալներով՝ հարվածները հասցվել են Իրանում միջուկային ծրագրի և այլ ռազմական օբյեկտների հետ կապված տասնյակ թիրախների։
Հաղորդվում է, որ զոհվել են Իրանի ԶՈՒ-ի երեք բարձրաստիճան հրամանատարներ, ինչպես նաև միջուկային գիտնականներ։
Թարգմանությունը՝ Էմմա Չոբանյանի
