29.04.2026 | 15:55
Պատասխաններն անսպասելի են. Վարդապետյանը` Աբրահամյանի տան վաճառքի, Նարեկ Նալբանդյանի հյուրանոցի մասին. ՏԵՍԱՆՅՈՒԹ
Թավրիզի հայ համայնքին վտանգ չի սպառնում․ Թեմական խորհրդի ատենապետ
Քաղաքականություն
13.06.2025 | 17:51
Թավրիզի հայ համայնքին վտանգ չի սպառնում։ Այս մասին Factor.am-ին փոխանցեց Թավրիզի Թեմական խորհրդի ատենապետ Գագիկ Ջորջյանը։ Նրա տեղեկացմամբ՝ այն վայրերը, որտեղ հայերն են ապրում Իսրայելի հարձակման կետերից հեռու են։
«Մարդիկ չեն տարհանվել, ապաստարաններում չեն։ Ամեն ինչ իր տեղում է»,- ասաց Գագիկ Ջորջյանը։
Նշենք, որ Իսրայելն այսօր արդեն երկրորդ հարվածն է հասցրել Թավրիզին։
Իսրայելի ռազմաօդային ուժերը հունիսի լույս 13-ի գիշերը հարվածել են Իրանի տարածքին, որից հետո Իսրայելը փակել է իր օդային տարածքը: Իսրայելի բանակի տվյալներով՝ հարվածները հասցվել են Իրանում միջուկային ծրագրի և այլ ռազմական օբյեկտների հետ կապված տասնյակ թիրախների։ Ըստ իսրայելական կողմի՝ գիշերը հարվածներ են հասցվել Իրանում ավելի քան 100 թիրախների: Գործողությանը մասնակցել է 200 կործանիչ: Իսրայելը գործողությանը տվել է «Առյուծի վերելք» անվանումը։
NourNews գործակալության հաղորդմամբ՝ Թեհրանի վրա Իսրայելի հարձակման հետևանքով Թեհրանի առնվազն 78 բնակիչ է զոհվել, 329-ը՝ վիրավորվել։ Հաղորդվել էր, որ Իսրայելի հարվածների հետևանքով զոհվել է Իրանի ԶՈՒ երեք բարձրաստիճան հրամանատար, 6 միջուկային գիտնական։
Մանյա Պողոսյան
