23.05.2026 | 20:32
Մենք ամենափորձառու ուժն ենք, իշխանությունը մեր դեմ դնելու բան չունի. Էդմոն Մարուքյան. ՏԵՍԱՆՅՈՒԹ
Մալթայում ՀՀ դեսպան Վլադիմիր Կարապետյանն իր հավատարմագրերն է հանձնել երկրի նախագահին
Քաղաքականություն
12.06.2025 | 15:25
Հունիսի 11-ին Մալթայի Հանրապետությունում Հայաստանի Հանրապետության արտակարգ և լիազոր դեսպան Վլադիմիր Կարապետյանը իր հավատարմագրերն է հանձնել Մալթայի Հանրապետության նախագահ Միրիամ Սպիտերի Դեբոնոյին․ հայտնում են ՀՀ ԱԳՆ-ից։
«Ողջունելով և շնորհավորելով դեսպանին պաշտոնը ստանձնելու կապակցությամբ` Մալթայի նախագահը մաղթել է հաջողություն և արդյունավետ առաքելություն` ի նպաստ երկու երկրների միջև սերտ հարաբերությունների էլ առավել զարգացման: Երկուստեք գոհունակությամբ արձանագրվել է Հայաստանի և Մալթայի միջև քաղաքական երկխոսության բարձր մակարդակը և կարևորվել ոլորտային փոխգործակցության ներուժի լիարժեք իրացումը:
Շնորհակալություն հայտնելով ջերմ ընդունելության համար՝ դեսպանը վերահաստատել է իր հանձնառությունը առավելագույն ջանքերը ներդնել երկու երկրների միջև պատմականորեն ձևավորված բարեկամական հարաբերությունների հետագա ամրապնդման ու փոխադարձ հետաքրքրություն ներկայացնող ոլորտներում համագործակցության առավել խորացման ուղղությամբ։
Դեսպանը ներկայացրել է նաև Հայաստանի մոտեցումները տարածաշրջանային զարգացումների վերաբերյալ և ընդգծել Հայաստանի հանձնառությունը՝ նպաստելու տարածաշրջանում խաղաղության և կայունության հաստատմանը»,- ասված է հաղորդագրությունում։
Հիշեցնենք, որ նախորդ տարվա հոկտեմբերին Ուկրաինայում և Մոլդովայի Հանրապետությունում Հայաստանի Հանրապետության արտակարգ և լիազոր դեսպան Վլադիմիր Կարապետյանը հետ էր կանչվել պաշտոնից և նշանակվել Իտալիայի Հանրապետությունում ՀՀ դեսպան։
Իսկ արդեն այս տարվա մարտին Իտալիայում ՀՀ դեսպան Վլադիմիր Կարապետյանը համատեղության կարգով նշանակվել էր Սան Մարինոյում և Մալթայում ՀՀ դեսպանի պաշտոնում։
Հիշեցնենք նաև, որ Վլադիմիր Կարապետյանը 2019-ի հունվարի 29-ից 2020 թ․ հունվարի 9-ը զբաղեցրել է ՀՀ վարչապետի մամուլի ծառայության ղեկավարի պաշտոնը։
