01.08.2026 | 15:55
Օգոստոսին արտառոց շոգեր կամ ցրտեր չեն սպասվում. Գագիկ Սուրենյան
Ձերբակալվել են ավտոմեքենայից գողություններ արած երիտասարդներ
12.06.2025 | 14:10
Ավտոմեքենայից գողության վերաբերյալ հաղորդումը Համայնքային ոստիկանության Նուբարաշենի բաժնում ստացվել էր հունիսի 9-ին: Գողացել էին Նուբարաշենի 6-րդ փողոցի շենքերից մեկի բակում կայանված «Ջիփ Կոմպաս» մակնիշի մեքենայի կողային հայելիները․ հայտնում են ՆԳՆ-ից:
«Իրացնելով Համայնքային ոստիկանության Արաբկիրի բաժնում ստացված օպերատիվ տվյալները՝ գողության կասկածանքով Նուբարաշենի բաժին են ներկայացվել Երևանի բնակիչ՝ 17-ամյա և Սյունիքի մարզի Շամբ գյուղի բնակիչ՝ 21-ամյա երկու երիտասարդ: Պարզվել է, որ գողությունը կատարել է 21 տարեկանը։ Պարզվել է նաև գողոնի տեղը։ Տվյալներ են ձեռք բերվել, որ նա Երևանի տարբեր թաղամասերում կատարել է նման գողություններ»,- ասված է հաղորդագրությունում։
Նշվում է, որ երիտասարդները և կազմված փաստաթղթերը ներկայացվել են քննչական բաժին։
