06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Թուրքիայի նախագահականը հերքել է Էրդողանի առողջական վատ վիճակի մասին լուրերը
Քաղաքականություն
10.06.2025 | 15:20
Թուրքիայի նախագահականին կից Ապատեղեկատվության դեմ պայքարի կենտրոնը հերքել է երկրի նախագահ Ռեջեփ Թայիփ Էրդողանի ենթադրյալ վատ առողջական վիճակի մասին պնդումները՝ դրանք անվանելով անհիմն, գրում է Turkiye today-ը։
Կենտրոնի հայտարարության մեջ նշվում է, որ Էրդողանի առողջական վիճակը բավարար է, նա շարունակում է կատարել իր սահմանադրական լիազորություններն ու պարտականությունները։
Էրդողանի վատառողջության մասին հայտարարություններ է արել թուրքական YouTube-յան ալիքներից մեկը։
«YouTube ալիքում անհիմն պնդումներ են արվել մեր հարգարժան նախագահի առողջական վիճակի վերաբերյալ։ Նշված հեռարձակման մեջ օգտագործված արտահայտությունները պարունակում են անհիմն պնդումներ, թիրախավորում են նախագահի աշխատակազմը, պարունակում են վիրավորանքներ։ Մեր հարգարժան նախագահը կատարում է իր սահմանադրական պարտականությունները որպես Թուրքական Հանրապետության ղեկավար։ Մեր նախագահի հետ հանդիպած պետությունների ղեկավարները, քաղաքական գործիչները և այլ պաշտոնյաներ գիտակցում են, թե որքան լավ է նա տեղյակ խնդիրների մասին, որքան ուժեղ է նրա հիշողությունը և որքան վճռական է իր որոշումներում»,- հայտարարել է Կենտրոնը։
Թարգմանությունը՝ Էմմա Չոբանյանի
