14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Առաջին քաղաքական խորհրդակցությունները՝ Հայաստանի և Եթովպիայի ԱԳՆ-ների միջև
Քաղաքականություն
09.06.2025 | 22:03
Հունիսի 9-ին Ադիս Աբեբայում կայացել են Հայաստանի Հանրապետության և Եթովպիայի Դաշնային ժողովրդավարական Հանրապետության արտաքին գործերի նախարարությունների միջև առաջին քաղաքական խորհրդակցությունները։ Այս մասին տեղեկացնում է ՀՀ ԱԳՆ-ն՝ նշելով, որ կողմերը մտքեր են փոխանակել նաև Հարավային Կովկասում և Աֆրիկյան մայրցամաքում տարածաշրջանային զարգացումների շուրջ
Պատվիրակությունները գլխավորում էին ՀՀ արտաքին գործերի նախարարի տեղակալ Վահան Կոստանյանը և Եթովպիայի արտաքին գործերի նախարարության պետնախարար Հադերա Աբերան։
«Խորհրդակցությունների ընթացքում կողմերը գոհունակությամբ արձանագրել են երկկողմ հարաբերություններում վերջերս արձանագրված դրական զարգացումները, անդրադարձ է կատարվել տարբեր ոլորտներում, մասնավորապես՝ կրթության, տեղեկատվական տեխնոլոգիաների, թվայնացման, առողջապահության, կարողությունների զարգացման շուրջ համագործակցության խորացմանը և առևտրատնտեսական կապերի ակտիվացման հեռանկարներին։
Զրուցակիցները հանգամանորեն քննարկել են միջազգային կազմակերպությունների շրջանակներում առկա համագործակցությունը։
Կողմերը մտքեր են փոխանակել նաև Հարավային Կովկասում և Աֆրիկյան մայրցամաքում տարածաշրջանային զարգացումների շուրջ։ Վ. Կոստանյանը եթովպական կողմին է ներկայայացրել Հայաստան-Ադրբեջան և Հայաստան-Թուրքիա կարգավորման գործընթացներում առկա իրավիճակը, ինչպես նաև Հայաստանի կառավարության «Խաղաղության խաչմերուկ» նախագիծը՝ միտված տարածաշրջանային ենթակառուցվածքների ապաշրջափակմանը»,- ասված է հաղորդագրությունում:
