07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Կոլումբիայում հզոր երկրաշարժ է տեղի ունեցել
Քաղաքականություն
08.06.2025 | 21:24
Կոլումբիայում տեղի է ունեցել 6.5 մագնիտուդ ուժգնությամբ երկրաշարժ, տեղեկացնում է երկրի գեոլոգիական ծառայությունը։ Ստորգետնյա ցնցումների էպիկենտրոնը գտնվել է Պարատեբուենո քաղաքից հյուսիս-արևելք՝ մոտ 17 կիլոմետր հեռավորության վրա, 10 կիլոմետր խորությամբ։ Euronews-ը տեղեկացնում է, որ երկրաշարժը զգացվել է երկրի մեծ մասում։
Ցնցումների ինտենսիվության գնահատմամբ՝ էպիկենտրոնում երկրաշարժը համարվել է «կործանարար»։
Ստորգետնյա ցնցումները զգացվել են նաև մայրաքաղաք Բոգոտայում, որը գտնվում է մոտավորապես 100 կիլոմետր հեռավորության վրա։
Տուժածների մասին տվյալներ այս պահին չկան։ Սոցիալական ցանցերը ողողված են քաղաքացիների լուսանկարներով և տեսանյութերով, որոնք զգացել են ցնցումները, ոմանք լքել են իրենց աշխատավայրերը՝ ապաստան փնտրելու նպատակով։ Գյուղական տարածքներից ստացված կադրերը վկայում են վնասների բացակայության մասին։
Կոլումբիան գտնվում է Խաղաղօվկիանոսյան հրային օղակում՝ մի տարածաշրջանում, որը հայտնի է իր հաճախակի սեյսմիկ և հրաբխային ակտիվությամբ։
