04.08.2026 | 16:32
MMA-ի պատմության 5 մեծագույն մարտիկները՝ ըստ Արման Ծառուկյանի
Հեծանվի սիրահարները Հանրապետության հրապարակից հեծանվաշքերթ են իրականացրել դեպի Էջմիածին
Հասարակություն
08.06.2025 | 21:05
Հեծանվի համաշխարհային օրվա շրջանակում հեծանվի սիրահարներն այսօր Հանրապետության հրապարակից իրականացրել են հեծանվաշքերթ դեպի Էջմիածին։ Նպատակն էր խթանել առողջ կենսակերպի տարածումը, ինչպես նաև ընդգծել հեծանվի՝ որպես էկոլոգիապես մաքուր և ժամանակակից փոխադրամիջոցի դերը, հայտնում են ԿԳՄՍ նախարարությունից։
Միջոցառումը կազմակերպվել է ՀՀ կրթության, գիտության, մշակույթի և սպորտի նախարարության, Վաղարշապատի համայնքապետարանի, ինչպես նաև Հեծանվորդների և սիրողական հեծանվասպորտի ֆեդերացիայի համագործակցությամբ։
Հեծանվաշքերթը մեկնարկել է Երևանի Հանրապետության հրապարակից, անցել քաղաքի մի քանի կենտրոնական փողոցներով և շարունակվել դեպի Արմավիրի մարզի Վաղարշապատ համայնք՝ հետադարձ ուղղությամբ: Երթուղու ընդհանուր երկարությունը կազմել է շուրջ 40 կիլոմետր։
Միջոցառման ավարտին Էջմիածնում նաև կայացել է հեծանիվների համար նախատեսված հատուկ կայանատեղիի խորհրդանշական բացման արարողություն, որի նպատակը քաղաքում հեծանվային ենթակառուցվածքների զարգացումն է։ Հեծանվային երթևեկությունը խթանելու նպատակով մինչ այս քաղաքում նաև ճանապարհային նոր նշաններ են տեղադրվել։
