16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Զելենսկին հաստատել է․ ԱՄՆ-ը Ուկրաինայի համար նախատեսված զինամթերքը վերաուղղել է Մերձավոր Արևելք
Քաղաքականություն
08.06.2025 | 19:29
Ուկրաինայի նախագահ Վլադիմիր Զելենսկին ABC News-ին տված հարցազրույցում հաստատել է, որ ԱՄՆ-ը վերաուղղել է Ուկրաինայի համար նախատեսված հրթիռները Մերձավոր Արևելք։
«Մենք պայմանավորվել էինք նախորդ վարչակազմի (Ջո Բայդենի-խմբ․) հետ մի ծրագրի շուրջ, որի վրա հույս էինք դրել՝ 20 հազար «Շահեդ» տեսակի անօդաչու թռչող սարքերի (դրոնների) դեմ պայքարելու համար նախատեսված հրթիռներ։ Դա թանկ չէր, բայց յուրահատուկ տեխնոլոգիա էր։ Մենք այդ 20 հազար հրթիռների հույսին էինք։ Այսօր առավոտյան իմ պաշտպանության նախարարն ասաց, որ ԱՄՆ-ը դրանք տեղափոխել է Մերձավոր Արևելք»,-հայտարարել է Զելենսկին։
Պենտագոնի՝ զենքը վերաուղղելու որոշման մասին մի քանի օր առաջ հայտնել էր The Wall Street Journal-ը՝ հղում անելով պաշտպանության նախարարության ներքին փաստաթղթին։ Խոսքը այն տեխնոլոգիաների մասին է, որոնք Ուկրաինան օգտագործում է ռուսական անօդաչու սարքերից պաշտպանվելու համար։
Նշենք, որ «Շահեդ» (Shahed) անվանումով դրոնները արտադրում է Իրանը (օրինակ՝ Shahed-131, Shahed-136), և Ռուսաստանը լայնորեն օգտագործում է դրանք Ուկրաինայում՝ որպես ինքնաոչնչացող (կամ «կամիկաձե») դրոններ՝ հարվածելու ենթակառուցվածքներին, քաղաքացիական օբյեկտներին և ռազմական թիրախներին։
