08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
Իսրայելի պաշտպանության նախարարը հրամայել է թույլ չտալ Գրետա Թունբերգին տեղափոխող նավի ժամանումը Գազայի ափեր
Քաղաքականություն
08.06.2025 | 18:36
Իսրայելի պաշտպանության նախարար Իսրայել Կացը հանձնարարել է զինված ուժերի համապատասխան ստորաբաժանումներին թույլ չտալ հայտնի էկոակտիվիստ Գրետա Թունբերգին և նրա համախոհներին տեղափոխող Madleen նավի մոտենալը Գազայի ափերին: Ինչպես հայտնում է Sky News-ը, Իսրայելի պաշտպանության նախարարը հայտարարել է, որ թույլ չեն տա որևէ մեկին խախտել Գազայի ծովային շրջափակումը, որի գլխավոր նպատակը ՀԱՄԱՍ-ին զենքի փոխանցումը կանխելն է։
Նա հակասեմիտ է համարել Գրետա Թունբերգին և համախոհներին՝ պնդելով, որ նրանք տարածում են ՀԱՄԱՍ-ի քարոզչությունը:
Համաշխարհային ճանաչում ունեցող բնապահպան ակտիվիստ Գրետա Թունբերգը հունիսի 1-ին Իտալիայի Կատանիա նավահանգստից նավարկել է Madleen նավով՝ միանալով Գազայի օգնության առաքելությանը։
Առաքելությունը կազմակերպել է «Ազատության նավատորմ» կոալիցիան՝ նպատակ ունենալով հաղթահարել Գազայի շրջափակումը և նպաստել հումանիտար ճգնաժամի լուսաբանմանը։ Եռօրյա վտանգավոր ճանապարհորդությունը ցուցադրման ակցիա է, որը ընդգծում է ավելի քան երկու միլիոն բնակչության տառապանքները՝ շրջափակման պայմաններում։
Հիշեցնենք, որ պատերազմը սկսվել է 2023 թվականի հոկտեմբերի 7-ին՝ Համասի կողմից հարավային Իսրայելի վրա իրականացված հարձակումից հետո։
Անցած ամիս «Ազատության նավատորմի»՝ ծովով Գազա հասնելու փորձը ձախողվել է, երբ խմբի մեկ այլ նավ հարձակման է ենթարկվել երկու անօդաչու թռչող սարքերի կողմից՝ Մալթայի մոտ գտնվող միջազգային ջրերում։
Խումբը մեղադրել է Իսրայելին այդ հարձակման համար, որի արդյունքում վնասվել է նավի առջևի հատվածը։
