Քաղաքականություն
07.06.2025 | 16:40
Սանկտ Պետերբուրգի փոխնահանգապետ Բորիս Պիոտրովսկու գլխավորած պատվիրակությունը հունիսի 7-ին այցելել է Հայոց ցեղասպանության հուշահամալիր: «Այս մասին հայտնում են Հայոց ցեղասպանության թանգարան-ինստիտուտից:
Սանկտ Պետերբուրգի փոխնահանգապետ Բորիս Պիոտրովսկին ծաղկեպսակ է դրել Հայոց ցեղասպանության զոհերի հիշատակը հավերժացնող հուշակոթողին, այնուհետև հյուրերը ծաղիկներ են դրել անմար կրակի մոտ և մեկ րոպե լռությամբ հարգել Հայոց ցեղասպանության անմեղ զոհերի հիշատակը:
Ռուսաստանից ժամանած պատվիրակության անդամները շրջել են նաև Հայոց ցեղասպանության թանգարանում, Բորիս Պիոտրովսկին գրառում է կատարել Պատվավոր հյուրերի հուշամատյանում:
