ՔՆՆԱՐԿՈՒՄ․ Փաշինյանի և Գարեգին Բ-ի բախումը․ ինչպե՞ս կլուծվի աշխարհիկ և հոգևոր իշխանությունների վեճը

• Շուրջ մեկ շաբաթ է՝ Հայաստանի աշխարհիկ և հոգևոր իշխանության ներկայացուցիչները հեռակա բանավիճում են։ Վարչապետը հրապարակային գրառումներով կասկածի տակ է դրել կաթողիկոսի և բարձրաստիճան այլ հոգևորականների՝ կուսակրոն լինելու հանգամանքը։ Փաշինյանն ակնկալում է պատասխան՝ արդյո՞ք նրանք ունեն երեխաներ, ընտանիքներ։ Եվ եթե պարզվի, որ ունեն, ասում է՝ պետք է հեռանան հոգևոր ծառայությունից։

Օրերս կայացած Հոգևոր գերագույն խորհրդի նիստից հետո հրապարակված հայտարարության մեջ այս հարցերին պատասխան չկար։ Բարձրաստիճան հոգևորականները սուր գնահատականներ հնչեցրին Փաշինյանի հասցեին, այդ թվում՝ քննադատվում էր նրա արտաքին և ներքին քաղաքականությունը, կային ակնարկներ արտաքին ուժերի օրակարգն սպասարկելու մասին։ Սակայն չկար պատասխան՝ բարձրաստիճան հոգևորականները պահո՞ւմ են կուսակրոնության ուխտը, թե՝ ոչ։ Վարչապետի կողմից եկեղեցիները «չուլանների» հետ համեմատելու խոսքից սկսված այս բանավեճը համընկավ Կովկասի մահմեդականների առաջնորդ Ալաշյուքյուր Փաշազադեի մեղադրանքի հետ՝ ուղղված ՀԱԵ-ին՝ ռևանշիզմ քարոզելու մեջ։ Ինչի՞ մասին է այս բանավեճը և ուր կարող է այն հասնել:
Factor TV-ում հրավիրել ենք քննարկում, որին մասնակցում են Արմեն Մարտիրոսյանը՝ «Անտարես» հրատարակչության տնօրեն, Զարուհի Հովհաննիսյանը՝ իրավապաշտպան, Դավիթ Ալավերդյանը՝ «Մեդիամաքս»-ի խմբագիր, Արքմենիկ Նիկողոսյանը՝ բանասեր և խմբագիր, Կարինե Հակոբյանը՝ հասարակագետ։

Հաղորդումն ամբողջությամբ՝ տեսանյութում։

Ռոբերտ Անանյան