24.06.2026 | 18:05
Վահագն Խաչատուրյանն ընդունել է Հանրային ծառայությունները կարգավորող հանձնաժողովի նախագահ Մեսրոպ Մեսրոպյանին
Նիկոլ Փաշինյանն ընդունել է Մատվիենկոյին․ հանդիպումը «նախատեսվածից զգալիորեն ավելի երկար» է տևել
Քաղաքականություն
06.06.2025 | 15:10
ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն, որը պաշտոնական այցով գտնվում է Հայաստանում, հանդիպել է ՀՀ վարչապետ Նիկոլ Փաշինյանին։ Հանդիպումը տևել է «նախատեսվածից զգալիորեն ավելի երկար»։ Այս մասին գրում է ՏԱՍՍ-ը՝ վկայակոչելով Դաշնության խորհրդի մամուլի ծառայությանը։
«Սկզբում բանակցություններն անցկացվել են դեմ առ դեմ ձևաչափով։ Դրանք տևել են զգալիորեն ավելի երկար նախատեսված ժամանակից։ Այնուհետև զրույցը շարունակվել է ընդլայնված ձևաչափով»,- ասվում է հաղորդագրության մեջ։
Հայկական կողմը հանդիպման մասին դեռևս տեղեկություն չի հաղորդել։
Հավելենք, որ ավելի վաղ Մատվիենկոն բանակցություններ է անցկացրել ՀՀ ԱԺ նախագահ Ալեն Սիմոնյանի հետ։
Թարգմանությունը՝ Էմմա Չոբանյանի
