13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Օհանյանը դիմել է ԱԺ աշխատակազմին՝ իրենց պատգամավորները հրաժարվում են Սիմոնյանի հետ գործուղման մեկնել․ Առաքելյան․ ՏԵՍԱՆՅՈՒԹ
Քաղաքականություն
06.06.2025 | 13:25
ԱԺ «Հայաստան» խմբակցության ղեկավար Սեյրան Օհանյանը գրություն է ուղարկել ԱԺ նախագահ Ալեն Սիմոնյանին՝ ծանուցելով, որ «Հայաստան» խմբակցության պատգամավորները հրաժարվում են նրա հետ մեկնել գործուղման։ Այս մասին ԱԺ հանձնաժողովների համատեղ նիստում 2024 թվականի պետական բյուջեի հաշվետվության նախնական քննարկումների ժամանակ ասաց ԱԺ աշխատակազմի ղեկավար-գլխավոր քարտուղար Դավիթ Առաքելյանը։
«Հայաստան» խմբակցության քարտուղար Արծվիկ Մինասյանն էլ դիտարկում արեց, թե ինչո՞ւ Առաքելյանը չի նշում ընդդիմադիր պատգամավորների գործողումներից հրաժարվելու պատճառը։
«Այո՛, այդ գրության մեջ տեղեկացրել ենք, որ Ալեն Սիմոնյանի հակապետական ու հակահայկական հայտարարությունները թույլ չեն տալիս, որ մենք լինենք ԱԺ նախագահի գլխավորած պատվիրակությունների կազմում»,- նշեց նա։
Հիշեցնենք, որ ընդդիմադիր պատգամավորները դժգոհում էին գործողումների վերաբերյալ։ ԱԺ խոսնակ Ալեն Սիմոյանն էլ պարզաբանել էր, որ ընդդիմադիր բազմաթիվ պատգամավորներ են իր հետ գործուղման գնում են, պարզապես, չեն նկարվում։
Մանրամասները՝ տեսանյութում։
Մանյա Պողոսյան
