04.07.2026 | 14:41
Եվրոպական ինդեքսներն աճել են
Դանիան Հայաստանի վստահելի գործընկերն է. Փաշինյանը՝ Ֆրեդերիկսենին
Քաղաքականություն
05.06.2025 | 20:54
Վարչապետ Նիկոլ Փաշինյանը շնորհավորական ուղերձ է հղել Դանիայի Թագավորության վարչապետ Մետտե Ֆրեդերիկսենին՝ Սահմանադրության օրվա առիթով: Ուղերձում ասված է.
«Ջերմորեն շնորհավորում եմ Ձեզ և Դանիայի բարեկամ ժողովրդին Սահմանադրության օրվա կապակցությամբ։
Գոհունակությամբ եմ վերհիշում մայիս ամսին Եվրոպական քաղաքական համայնքի 6-րդ գագաթնաժողովի շրջանակում ունեցած մեր բովանդակալից քննարկումը։
Դանիան Հայաստանի վստահելի գործընկերն է, և մենք կարևորում ենք փոխադարձ արժեքների վրա հիմնված երկկողմ բարեկամական հարաբերությունների շարունակական ընդլայնումն ու խորացումը։ Հայաստան-Դանիա հարաբերություններում գրանցված վերջին շրջանի զարգացումները նոր հնարավորություն են ընձեռում տարբեր ոլորտներում առկա ներուժն օգտագործելու և փոխգործակցությունը խթանելու համար։
Մենք բարձր ենք գնահատում Դանիայի կառավարության աջակցությունը Հայաստանում ժողովրդավարական բարեփոխումներին, ինչպես նաև Հայաստան-ԵՄ կապերի սերտացմանը»,- մասնավորապես ասված է հաղորդագրության մեջ։
Վարչապետը վերահաստատել է հրավերը՝ այցելելու Հայաստան։
