04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
Ալեն Սիմոնյանը ծաղկեփնջով դիմավորել է Մատվիենկոյին
Քաղաքականություն
05.06.2025 | 18:42
Քիչ առաջ պաշտոնական այցով Երևան է ժամանել Ռուսաստանի Դաշնության Դաշնային ժողովի Դաշնության խորհրդի նախագահ Վալենտինա Մատվիենկոյի գլխավորած պատվիրակությունը:
Մատվիենկոյին «Զվարթնոց» օդանավակայանում ծաղկեփնջով դիմավորել է ՀՀ ԱԺ նախագահ Ալեն Սիմոնյանը:
Ալեն Սիմոնյանը դեռ մայիսի 27-ին էր հայտարարել, որ անձամբ է դիմավորելու Մատվիենկոյին, քանի որ ռուս պաշտոնյայի աչքից չէր վրիպել, թե ինչպես է Սիմոնյանը 2022 թվականին անձամբ դիմավորել ԱՄՆ ներկայացուցիչների պալատի խոսնակ Նենսի Փելոսիին։ «Մատվիենկոյին անպայման գնալու եմ դիմավորեմ։ Ես իրեն անձամբ խոստացել եմ։ Նա ասաց՝ բա ո՞նց էիք տիկին Փելոսիին դիմավորել օդանավակայանում, ես ասացի՝ երբ Դուք գաք, ես մեծ հաճույքով Ձեզ ևս կդիմավորեմ։ Նաև Աննիտա Դիմիդրեվային եմ դիմավորել, որովհետև կին էր, իմ լավ ընկերը, և տիկին Մատվիենկոյին էլ նույնպես դիմավորելու եմ»,- նշել էր Ալեն Սիմոնյանը։
Նարեկ Կիրակոսյան
