Էթնիկ զտումից մինչև «Արևմտյան Ադրբեջան» կեղծ նարատիվ. հայկական պատվիրակությունը ԵԱՀԿ-ում ներկայացրել է Բաքվի հայատյաց արշավը․ ՏԵՍԱՆՅՈՒԹ

Լուրեր

19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
Բոլորը

Հայերի դեմ պատերազմ սանձազերծելուց հետո Իլհամ Ալիևը բացահայտ հպարտությամբ հայտարարեց՝ Ադրբեջանը հաղթել է, քանի որ տարիներ շարունակ մեծացրել է ատելությամբ դաստիարակված սերունդներ, որոնք հային սպանելն ընկալում են որպես հերոսություն։ Նա բացահայտ կերպով հանդես է եկել հայերին, իր բնորոշմամբ, «հայ ֆաշիստներին» «մաքրազերծելու» կոչերով։ Վիեննայում անցկացված «Պետական համակարգված խտրականությունն ու հայերի էթնիկ զտումներն Ադրբեջանում» խորագրով միջոցառմանը Բաքվի հայտարարություններն է ներկայացրել «Հանուն հավասար իրավունքների» կազմակերպության նախագահ Գայանե Աբրահամյանը։ Նա ընդգծել է՝ բռնապետ Ալիևի հռչակած «ապազգայնականացման» և «ապառազմականացման» քաղաքականությունն ուղղակիորեն կրկնում է Ռուսաստանի նախագահ Վլադիմիր Պուտինի՝ Ուկրաինայի դեմ սանձազերծած պատերազմի նույն արդարացումները։

«Արդեն իսկ իրականացնելով էթնիկ զտում Արցախում՝ Ադրբեջանն այժմ հայտարարում է, թե Հայաստանի ինքնիշխան տարածքի 60 տոկոսը իրեն է պատկանում՝ կրկին առաջ մղելով կեղծ «Արևմտյան Ադրբեջանի» գաղափարախոսությունը, սրանով ևս կրկնելով իր սիրելի Պուտինի գործելաոճը։ Բռնապետերը մտածում և գործում են նույն կերպ»,- նշել է նա։

Անդրադառնալով ԵԱՀԿ-ում կազմակերպված Մարդկային չափողականությունների կոնֆերանսի ընթացքում ադրբեջանցի պատվիրակի հայտարարությանը, թե հայերն են հանցագործություններ իրականացրել, և որ իրենք ունեն այդ մասին ապացույցներ, Գայանե Աբրահամյանը շեշտել է՝ այդ դեպքում ինչո՞ւ չեն դիմում Արդարադատության միջազգային դատարան։

«Հայաստանն արդեն ներկայացրել է իր պահանջները։ Իսկ ինչո՞ւ է ձեր երկրի ղեկավարը խաղաղության պայմանագրի ստորագրման համար նախապայման դնում, որ մենք հետ վերցնենք այդ հայցերը։ Հայաստանը պատրաստ է բոլոր խնդիրները հարցերը քննարկել միջազգային օրինական մեխանիզմներով։ Մինչդեռ դուք փոխարենը արդարություն որոնեք օրինական, միջազգային մեխանիզմներով, Ադրբեջանում կազմակերպել եք կեղծ դատավարություններ և հորինված մեղադրանքներ եք առաջադրել հայ ռազմագերիներին և այլ պահվող անձանց՝ կոպտորեն ու բացահայտ խախտելով բոլոր միջազգային նորմերը»,- հավելել է նա։

Գայանե Աբրահամյանը, միաժամանակ, շեշտել է՝ նույնիսկ համաժողովի դահլիճում՝ խտրականության և դրա հետևանքների դեմ պայքարի վերաբերյալ քննարկման ընթացքում, ականատես եղանք Հայաստանի ինքնիշխանության դեմ բացահայտ սպառնալիքների։ Ուժի կիրառման և պատերազմի սպառնալիքները, ըստ նրա, ոչ միայն հակասում են այս հավաքի իրական նպատակին, այլև ընդհանրապես խաթարում են միջազգային համագործակցության և երկխոսության բոլոր սկզբունքները։

Անդրադառնալով ադրբեջանական պատվիրակության ներկայացուցչի՝ խաղաղության օրակարգի վրա կենտրոնանալու մասին հայտարարությանը՝ Գայանե Աբրահամյանը նշել է՝ Հայաստանը համաձայնել է բոլոր նախապայմաններին՝ խաղաղություն հաստատելու հույսով, սակայն հենց Ալիևն է, որ շարունակաբար ներկայացնում է նոր նախապայմաններ. «Եթե դուք իսկապես անկեղծ խաղաղություն եք քարոզում, ապա համոզեք ձեր բռնապետին, որպեսզի ստորագրի ու վավերացնի խաղաղության համաձայնագիրը, իրապես կյանքի կոչի այն, դադարեցնի խաղաղ բնակիչների նկատմամբ ամենօրյա սպառնալիքներն ու գնդակոծությունները, հրաժարվի պատերազմի սպառնալիքներից և այլևս չխոսի արտատարածքային որևէ միջանցքի մասին»։

Ադրբեջանի կողմից հայերի դեմ էթնիկ զտման և խտրականության քաղաքականությանը նվիրված միջոցառման կազմակերպիչներից «Իրազեկ քաղաքացիների միավորում» կազմակերպության ծրագրերի համակարգող Դանիել Իոաննիսյանն էլ ընդգծում է՝ միջազգային հանրությանն ուղերձ ունեն. «Մենք ուզում ենք, որ միջազգային հանրության համար հստակ լինի, թե ինչ է էթնիկ զտումը, ինչ մարդկային ողբերգություններ կան էթնիկ զտման տակ, և իրականում ինչ մեծ խնդիրների կարող է հանգեցնել Ադրբեջանում բռնապետության շարունակումն այն տրամաբանությամբ, որն այժմ կա»։

Հավելենք, որ միջոցառմանը մասնակցել ու իրենց պատմություններն են ներկայացել նաև Արցախում էթնիկ զտումը վերապրած փախստականներ։

Մանրամասները՝ տեսանյութում։