01.10.2026 | 14:19
«21-րդ դարի նավթի» հետքեր՝ Հայաստանում․ ԱՄՆ-ն հետաքրքրված է հազվագյուտ մետաղներով
ԱՄՆ մաքսային և սահմանային վերահսկողության մասնագետների խումբը դեռ չի ժամանել Հայաստան. Միրզոյան․ ՏԵՍԱՆՅՈՒԹ
Քաղաքականություն
05.06.2025 | 16:09
ԱՄՆ մաքսային և սահմանային վերահսկողության մասնագետների խումբը դեռ չի ժամանել Հայաստան, այս մասին ԱԺ համատեղ հանձնաժողովների նիստերում ԱԳՆ-ի 2024 թվականի պետական բյուջեի կատարման տարեկան հաշվետվության նախնական քննարկումների ժամանակ ասաց նախարար Արարատ Միրզոյանը։
Նա նշեց, որ ամերիկացի մասնագետների այցը նախատեսված էր տարեսկզբին ստորագրված ռազմավարական գործընկերության մասին խարտիայի շրջանակներում։
«Ամերիկացիների գալը համագործակցության միայն մեկ բաղադրիչն է, որը ենթադրում է հայկական կողմի կարողությունների ընդլայնում սահմանային վերահսկողության իրականացման գործում: ՀՀ սահմանին ամերիկացի սահմանապահների ներկայության մասին խոսք չկա»,- պարզաբանեց արտաքին գերատեսչական կառույցի ղեկավարը։
Հիշեցնենք, որ տարեսկզբին՝ հունվարի 15-ին Հայաստանի Հանրապետության և Ամերիկայի Միացյալ Նահանգների միջև ստորագրվեց ռազմավարական գործընկերության մասին փաստաթուղթ։ Նշվում էր, որ այդ համագործակցության շրջանում Հայաստան կժամանի ԱՄՆ մաքսային և սահմանային վերահսկողության մասնագետների խումբ։
Մանրամասները՝ տեսանյութում։
Մանյա Պողոսյան
