07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Կառավարությունը «Մայր Հայաստան» թանգարանը միացնում է պատմության թանգարանին
Մշակույթ
05.06.2025 | 09:53
Կառավարությունը նախաձեռնել է լուծարել ՊՆ ենթակայությամբ գործող «Մայր Հայաստան» ռազմական պատմության թանգարանը։ Առաջարկված նախագծով այն միացվում է «Հայաստանի պատմության թանգարանին»՝ որպես վերջինի մասնաճյուղ։
Բացի այդ, «Հաղթանակ» զբոսայգում գտնվող հուշարձանը կփոխանցվի ԿԳՄՍ նախարարության կառավարմանը։
Հիմնավորման մեջ նշվում է, որ միավորման նպատակը թանգարանի արդյունավետ կառավարումն է։
Նշենք, որ Երևանում գործող «Մայր Հայաստան» ռազմական պատմության թանգարանում ցուցադրվում են հայկական զինված ուժերի ձևավորման, ինչպես նաև տարբեր պատմական փուլերում՝ ազատագրական պայքարների, Երկրորդ համաշխարհային պատերազմի, Արցախյան պատերազմների և նորագույն իրադարձությունների մասին նյութեր։
Թանգարանի այցելուները կարող են ծանոթանալ հայկական բանակի զինվորական համազգեստներին, պարգևներին, զենքերին, լուսանկարներին, պատմական փաստաթղթերին և հերոսների անձնական իրերին։
Ցուցանմուշները ընդգծում են հայ ժողովրդի անցած բարդ ու հերոսական ուղին՝ մարտադաշտից մինչև հաղթանակ։
Նարեկ Կիրակոսյան
