12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ադրբեջանցի զինվորականները Բուլղարիայում ՆԱՏՕ-ի շտաբային զորավարժություններին են մասնակցել
Քաղաքականություն
04.06.2025 | 23:29
Ադրբեջանի զինված ուժերի ներկայացուցիչները մասնակցել են ՆԱՏՕ-ի բազմազգ հրամանատարաշտաբային «Resolute Force-2025» զորավարժություններին, հայտնում է երկրի ՊՆ-ն։
Բուլղարիայի Ռակովսկու անվան ռազմական ակադեմիայում կազմակերպված զորավարժություններին Ադրբեջանը ներկայացրել է Ռազմական կառավարման ինստիտուտի սպաների խումբը։
Նշվում է, որ վարժանքների ընթացքում, որոնց մասնակցել են նաև Բուլղարիայի, Վրաստանի, Ռումինիայի, Հյուսիսային Մակեդոնիայի և Հունաստանի բանակների ներկայացուցիչները, «ադրբեջանցի սպաները կատարել են իրենց առջև դրված խնդիրները»։ Զորավարժությունների նպատակն էր իրականացնել գործողություններ՝ համապատասխան ռազմական որոշումների կայացման գործընթացի, ինչպես նաև կատարելագործել հրամանատարների և շտաբների հմտությունները՝ օպերատիվ միջավայրում ստորաբաժանումները կառավարելու հարցում։
Թարգմանությունը՝ Էմմա Չոբանյանի
