11.08.2026 | 20:39
Վիկտորյա Այդինյանը վերանշանակվել է Մհեր Գրիգորյանի գրասենյակի ղեկավարի պաշտոնում
Գևորգ Կոստանյանը խուճապահար վիճակում է. ի՞նչ է նրան ասել Սերժ Սարգսյանը. «Հրապարակ»
11.10.2018 | 08:32
«Հրապարակ» թերթը գրում է.
Երեկ ԱԺ քննիչ հանձնաժողովի նիստը՝ գաղտնալսման հետ կապված, չի կայացել, ու հանձնաժողովականներից շատերը չգիտեն, թե ինչու: Արդյոք դա պայմանավորվա՞ծ է հանձնաժողովի նախագահ Գևորգ Կոստանյանի օրերս արած հայտարարությամբ և հոգեվիճակով:
Ի դեպ, մեր տեղեկություններով, նա բավականին խուճապահար վիճակում է: Մենք գրել էինք, որ իր աղմկահարույց հայտարարություններից հետո, երբ սկսվեց ՀՀԿ-ի փլուզման երկրորդ փուլը, նա գնացել է Սերժ Սարգսյանի հետ հանդիպման, բացատրել իր հայտարարության մոտիվները:
ՀՀԿ ղեկավարը լսելով՝ ասել է միայն. «Որոշումը քոնն է»:
Մեր աղբյուրների փոխանցմամբ, հանձնաժողովը՝ Գևորգ Կոստանյանի նախագահությամբ, կշարունակի աշխատանքը: «Որովհետև դա նախևառաջ Նիկոլ Փաշինյանին է պետք, պարզել՝ ով է կատարել ՀՔԾ և ԱԱԾ պետերի հայտնի գաղտնալսումը: Հատկապես հիմա, երբ Կոստանյանն անցել է «սպիտակների» դաշտ»,-վստահեցրեց մեր աղբյուրը:
Առավել մանրամասն՝ թերթի այսօրվա համարում:
