12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Գազայի փրկարարները հայտնել են, որ Ռաֆահում օգնության բաշխման կենտրոնի մերձակայքին Իսրայելի հարվածի հետևանքով զոհերի թիվը հասել է 27-ի
Քաղաքականություն
03.06.2025 | 23:16
Գազայի հատվածի փրկարարները հայտնել են, որ երեքշաբթի Ռաֆահ քաղաքի հարավային մասում գտնվող մարդասիրական օգնության բաշխման կենտրոնի մերձակայքին Իսրայելի հարվածի հետևանքով զոհերի թիվը հասել է 27-ի, գրում է AFP-ը։
«27 մարդ է զոհվել, ավելի քան 90-ը՝ վիրավորվել Ռաֆահի Ալ-Ալամ շրջանում ամերիկյան օգնությանը սպասող խաղաղ բնակիչների դեմ ուղղված կոտորածի ժամանակ»,- ասել է քաղաքացիական պաշտպանության խոսնակ Մահմուդ Բասալը, որն ավելի վաղ AFP-ին ասել էր, որ մահերը տեղի են ունեցել, «երբ իսրայելական ուժերը կրակ են բացել տանկերից և անօդաչու թռչող սարքերից»։
Ալ-Ալամի խաչմերուկը գտնվում է մոտ մեկ կիլոմետր հեռավորության վրա ԱՄՆ-ի կողմից աջակցվող Գազայի մարդասիրական հիմնադրամի (GHF) կողմից կառավարվող կենտրոնից, որը նորաստեղծ խումբ է, որի հետ Իսրայելը համագործակցում է տարածքում օգնության բաշխման նոր մեխանիզմ ներդնելու համար։
ՄԱԿ-ի մարդու իրավունքների գերագույն հանձնակատարը դատապարտել է քաղաքացիական բնակչության դեմ նման հարձակումները՝ դրանք որակելով որպես «ռազմական հանցագործություն», այն բանից հետո, երբ կիրակի նույն տարածքում նմանատիպ կրակոցների հետևանքով զոհվել և վիրավորվել էին տասնյակ պաղեստինցիներ։
«Գազայում սննդի չնչին քանակությունից օգտվելու փորձ կատարող հուսահատված քաղաքացիների վրա մահացու հարձակումներն անընդունելի են։ Քաղաքացիական անձանց դեմ ուղղված հարձակումները միջազգային իրավունքի լուրջ խախտում են և ռազմական հանցագործություն»,- հայտարարել է ՄԱԿ-ի մարդու իրավունքների գերագույն հանձնակատար Վոլկեր Թյուրկը։
Թարգմանությունը՝ Էմմա Չոբանյանի
