28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Մատենադարանում կբացվի «Հայաստան-Ֆրանսիա. դարավոր կապեր» խորագրով ցուցահանդեսը
Քաղաքականություն
10.10.2018 | 21:44
Ֆրանկոֆոնիայի միջազգային կազմակերպության` Երևանում անցկացվող 17-րդ
գագաթնաժողովի առիթով 2018 թ. հոկտեմբերի 11-ին ժամը 16:30-ին Մաշտոցյան
Մատենադարանում կբացվի «Հայաստան-Ֆրանսիա. դարավոր կապեր» խորագրով
ցուցահանդեսը: Ցուցահանդեսի բացմանը կմասնակցեն ՅՈՒՆԵՍԿՕ-ի գլխավոր տնօրեն
Օդրի Ազուլեն, ՀՀ մշակույթի նախարար Լիլիթ Մակունցը, ՀՀ փոխարտգործնախարար
Աշոտ Հովակիմյանը, Հայաստանի ՅՈՒՆԵՍԿՕ-ի ազգային հանձնաժողովի գլխավոր
քարտուղար Վահրամ Կաժոյանը:
Ցուցահանդեսի համադրողն է ֆրանսահայ պատմաբան, հայագետ Արմեն Կլոդ
Մութաֆյանը: Ներկայացված են ձեռագրեր, հնատիպ գրքեր Մատենադարանի ֆոնդերից,
ինչպես նաև Արմեն Կլոդ Մութաֆյանի անհատական հավաքածուից բերված արխիվային
փաստաթղթեր, քարտեզներ և լուսանկարներ, որոնք արտացոլում են դարերի
ընթացքում ձևավորված հայ-ֆրանսիական պատմամշակութային առնչությունները:
Հայաստանում Ֆրանկոֆոնիայի գագաթնաժողովի անցկացման առթիվ Հայկական
Բարեգործական Ընդհանուր Միության (ՀԲԸՄ) մեկենասությամբ Մատենադարանը
հրատարակել է ցուցահանդեսի մասին պատմող երկլեզու գրքույկ և հայկական
մանրանկարչությանը նվիրված ֆրանսերեն ալբոմ-ուսումնասիրություն: Ալբոմի
հեղինակներն են Կարեն Մաթևոսյանը և Էդդա Վարդանյանը, լուսանկարները՝ Հրայր
Բազե Խաչերյանի:
ՄԱՏԵՆԱԴԱՐԱՆԻ ԼՐԱՏՎԱԿԱՆ ԾԱՌԱՅՈՒԹՅՈՒՆ
