16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Սիցիլիայում Էթնա հրաբուխը ժայթքել է․ ԼՈՒՍԱՆԿԱՐՆԵՐ
Քաղաքականություն
03.06.2025 | 22:31
Իտալիայում Սիցիլիայի Էթնա հրաբուխը կրկին գրավել է աշխարհի ուշադրությունը՝ մի քանի կիլոմետր բարձրությամբ երկինք ցայտելով ծխի և մոխրի հսկայական ամպ, գրում է Al Jazeera-ն։
Չնայած դրամատիկ տեսարաններին՝ պաշտոնյաները վստահեցրել են հանրությանը, որ հրաբխային ակտիվությունը վտանգ չի ներկայացնում բնակիչների համար։ Երկուշաբթի իշխանությունները բարձրացրել են Կատանիայի օդանավակայանում տագնապի մակարդակը՝ հրաբխային ակտիվության ֆոնին։ Այնուամենայնիվ, չվերթները շարունակվել են բնականոն հունով, անհապաղ խափանումներ չեն գրանցվել։
Ըստ Իտալիայի INGV ազգային երկրաֆիզիկայի և հրաբխագիտության ինստիտուտի՝ Եվրոպայի ամենաակտիվ հրաբխի ժայթքումը սկսվել է հարավարևելյան խառնարանի մի մասի փլուզումից, որի արդյունքում առաջացել է տաք լավայի հոսքերի կասկադ։ Այս միջադեպը վերջին ամիսներին 14-րդ նման ժայթքման փուլն էր։
Ռիսկի գոտին սահմանափակվել է Էթնայի գագաթով, որը փակվել է զբոսաշրջիկների համար՝ որպես նախազգուշական միջոց, հայտարարել է INGV-ի պաշտոնյա Ստեֆանո Բրանկան։
Սիցիլիայի ղեկավար Ռենատո Սկիֆանին հայտարարել է, որ ժայթքման ժամանակ արձակված լավայի հոսքերը չեն խախտել հրաբխի բնական զսպման գոտին և «վտանգ չեն ներկայացրել բնակչության համար»։
Թարգմանությունը՝ Էմմա Չոբանյանի
