25.06.2026 | 19:08
Դավիթ Համբարձումյանի գործը ուղարկվեց նոր քննության․ նա ազատ արձակվեց դատական նիստերի դահլիճից․ ՏԵՍԱՆՅՈՒԹ
Ատոմակայանում ԱՄՆ ֆինանսավորմամբ 3,4 միլիոն դոլար արժեքով գերժամանակակից վարժասարք է գործարկվել
Քաղաքականություն
03.06.2025 | 15:09
ՀՀ-ում ԱՄՆ դեսպանությունից տեղեկացնում են, որ դեսպան Քվինը Հայկական ատոմային էլեկտրակայանում (ՀԱԷԿ) ներկա է գտնվել գերժամանակակից վարժասարքի գործարկման միջոցառմանը։
«Ուրախ էի մասնակցել 3,4 միլիոն դոլար արժողությամբ գերժամանակակից վարժասարքի գործարկման միջոցառմանը, որը կօգնի ՀԱԷԿ-ի անվտանգ շահագործումն ապահովելու հարցում։ ԱՄՆ էներգետիկայի դեպարտամենտի և ՀԱԷԿ-ի համագործակցության արդյունքում նորագույն ամերիկյան տեխնոլոգիաների ականատեսն ենք դառնում, ինչը միջուկային էներգիայի ոլորտում Հայաստանի հետ Միացյալ Նահանգների ավելի քան 25 տարվա համագործակցության հերթական ձեռքբերումներից է»,- ասված է հաղորդագրությունում։
Մինչ այդ դեսպանությունից տեղեկացրել էին, որ Հայաստանում է ԱՄՆ էներգետիկայի դեպարտամենտի Միջազգային միջուկային քաղաքականության և համագործակցության հարցերով փոխքարտուղարի տեղակալ Ալեշիա Դունկանի գլխավորած պատվիրակությունը։
