01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Խորապես հավատացած ենք, որ Հայաստանի և Իտալիայի միջև երկխոսությունը կշարունակի ընդլայնվել. Մհեր Գրիգորյան
Քաղաքականություն
02.06.2025 | 22:45
Փոխվարչապետ Մհեր Գրիգորյանը Իտալիայի ազգային տոնի՝ Իտալիայի Հանրապետության օրվա կապակցությամբ կազմակերպված միջոցառմանը նշել է երկու պետությունների միջև քաղաքական երկխոսության բարձր մակարդակի և երկկողմ հարաբերությունները զարգացնելու փոխադարձ պատրաստակամության մասին: Այս մասին տեղեկացնում են Կառավարության մամուլի ծառայությունից։
«Մենք խորապես հավատացած ենք, որ Հայաստանի և Իտալիայի միջև երկխոսությունը՝ հիմնված ընդհանուր արժեքների, շահերի ու փոխըմբռնման վրա, կշարունակի ընդլայնվել, և որ մեր ժողովուրդների միջև բարեկամական կապերն ավելի կամրապնդվեն։
Այս առանձնահատուկ օրվա կապակցությամբ ցանկանում եմ վերահաստատել խաղաղության և բարգավաճման բարեմաղթանքներս ու վստահություն հայտնել, որ համատեղ ջանքերով նոր լիցք կհաղորդենք մեր միջպետական հարաբերություններին՝ դրանք ծառայեցնելով մեր ժողովուրդների միջև բարեկամության ամրապնդմանը»,-նշել է փոխվարչապետ Մհեր Գրիգորյանը:
