10.12.2025 | 20:39
Հայաստան–Հունաստան հարաբերությունների խորացման նոր հնարավորություններ. Դավիթ Կարապետյանի հանդիպումը Լուկաս Ցուկալիսի հետ
ՌԴ-ն փոխում է Թուրքիայում դեսպանին․ հայտնի է դիվանագիտական ներկայացուցչության նոր ղեկավարի անունը
Քաղաքականություն
02.06.2025 | 15:33
Թուրքիայում ՌԴ դեսպանը կփոխվի։ Ռուսաստանի դիվանագիտական ներկայացուցչության նոր ղեկավար կդառնա ԱԳ փոխնախարար Սերգեյ Վերշինինը։ Այս մասին հաղորդում է «Կոմերսանտը»՝ հղում անելով երեք աղբյուրի։
Նա կփոխարինի Ալեքսեյ Երխովին, որը դիվանագիտական առաքելությունը ղեկավարում է 2017 թվականից։
Վերշինինը 70 տարեկան է, ավարտել է ԽՍՀՄ Արտաքին գործերի նախարարության ՄԳԻՄՕ-ն և Ռուսաստանի Արտաքին գործերի նախարարության Դիվանագիտական ակադեմիան։ Դիվանագիտական ծառայությունը սկսել է 1976 թվականին։
Նա փոխնախարարի պաշտոնը զբաղեցնում էր 2018 թվականից, մինչ այդ ղեկավարել է Մերձավոր Արևելքի և Հյուսիսային Աֆրիկայի դեպարտամենտը, եղել է Ռուսաստանի ԱԳ նախարարի Մերձավոր Արևելքի կարգավորման հարցերով հատուկ ներկայացուցիչ, դեսպան Ալժիրում, դեսպանատան խորհրդական-պատվիրակ Թուրքիայում, ինչպես նաև զբաղեցրել է տարբեր պաշտոններ Մարոկկոյի արտասահմանյան առաքելություններում։ Նա ունի արտակարգ և լիազոր դեսպանի կոչում, տիրապետում է անգլերեն, ֆրանսերեն և արաբերեն լեզուներին։
2013 թվականից ի վեր Վերշինինն ակտիվորեն ներգրավված է եղել սիրիական կարգավորման գործընթացում և մասնակցել է տարբեր միջազգային ձևաչափերի։
Թարգմանությունը՝ Էմմա Չոբանյանի
