05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Գորիսում բացվում է Ֆրանսիայի պատվո հյուպատոսությունը. ՈւՂԻՂ
Քաղաքականություն
02.06.2025 | 12:45
Սյունիքի մարզի Գորիս քաղաքում Ֆրանսիայի պատվո հյուպատոսության գրասենյակ է բացվում։ Բացմանը մասնակցում է ԱԳ փոխնախարար Վահան Կոստանյանը, ՀՀ-ում Ֆրանսիայի դեսպան Օլիվիե Դըկոտինյին, ՏԿԵ նախարարար Դավիթ Խուդաթյանը, Սյունիքի մարզպետ Ռոբերտ Ղուկասյանը:
Գորիսում Ֆրանսիայի պատվո հյուպատոս է նշանակվել Կարմեն Ափունցը:
Այսօր Գորիսում անցկացվում է նաև Հայաստան-Ֆրանսիա ապակենտրոնացված համագործակցության 5-րդ համաժողովը:
Նշենք, որ պատվո հյուպատոսի գրասենյակը գլխավոր հյուպատոսությունից շատ ավելի ցածր կարգավիճակ ունի և, որպես կանոն, քաղաքական գործառույթներ ու անձեռնմխելիություն չունի: Պատվո հյուպատոսի գրասենյակը հիմնականում հումանիտար, մշակութային գործառույթներ ունի և կարող է որոշ դեպքերում մատուցել հյուպատոսական ծառայություններ՝ նշանակող երկրի որոշմամբ:
Փարիզը Սյունիքում հյուպատոսություն բացելու մասին հայտարարել էր դեռևս 2023 թվականին, ինչը Երևան այցի ժամանակ վերահաստատել էր Ֆրանսիայի ԱԳ նախարար Ժան-Նոել Բարրոն:
Մանրամասները՝ տեսանյութում։
Մանյա Պողոսյան
