29.04.2026 | 17:33
Ազատ ոճի ըմբշամարտի Հայաստանի հավաքականն ամփոփել է Եվրոպայի առաջնությունը․ ՏԵՍԱՆՅՈՒԹ
ՌԴ Բրյանսկի մարզում կամրջի փլուզումից տուժածների թիվը հասել է 104-ի
Քաղաքականություն
02.06.2025 | 13:06
ՌԴ Բրյանսկի մարզում ուղևորատար գնացքի վրա ավտոմոբիլային կամրջի փլուզման հետևանքով տուժածների թիվը հասել է 104-ի։ ՌԻԱ Նովոստիի հաղորդմամբ՝ այս մասին լրագրողներին հայտնել է նահանգապետ Ալեքսանդր Բոգոմազը։
Ավելի վաղ հաղորդվում էր 97 տուժածի մասին։
Այս պահին հիվանդանոցներում մնում է 64 մարդ, այդ թվում՝ չորս երեխա։ Բացի այդ, արտակարգ իրավիճակի հետևանքով մահացել է 7 մարդ։
Հիշեցնենք, որ հունիսի 1-ի գիշերը Բրյանսկի մարզի Վիգոնիչսկի շրջանում ավտոմոբիլային կամուրջ է փլուզվել։ Դրա կառուցատարրերն ընկել են № 86 ուղևորատար գնացքի վրա, որն այդ պահին անցնում էր կամրջի տակով՝ Կլիմովից Մոսկվա երթուղով։ Բախման հետևանքով լոկոմոտիվը և վագոնները դուրս են եկել գծերից։
Բրյանսկի նահանգապետ Ալեքսանդր Բոգոմազը հայտարարել է գնացքի ընթացքի ժամանակ կամրջի պայթեցման մասին։ Դեպքի առնչությամբ հարուցվել է քրեական գործ։
Թարգմանությունը՝ Էմմա Չոբանյանի
