05.11.2026 | 23:32
Հայաստան-Լիտվա համագործակցություն․ Վահան Կոստանյանը աշխատանքային այցով մեկնել է Վիլնյուս
Որևէ մեկը չի կարող արդարացնել այդպիսի խոսույթը․ Անդրեասյան․ ՏԵՍԱՆՅՈՒԹ
Քաղաքականություն
02.06.2025 | 12:15
«Վարչապետն ինքը մեկնաբանել է իր գրառումը, ավելացնելու բան չունեմ»,- ԵՊՀ բակում Factor TV-ի հարցին ի պատասխան ասաց ԿԳՄՍ նախարար Ժաննա Անդրեասյանը:
Մեր հստակեցնող հարցին` որպես կրթության նախարար ինչպես է վերաբերվում Փաշինյանի հայհոյախառն գրառմանը, որը նաև «Կրթվելը նորաձև է» արշավին է մասնակցում, Ժաննա Անդրեասյանն արձագանքեց:
«Որևէ մեկիս չի կարող դուր գալ այն խոսույթը, որը ձևավորված է հանրային տիրույթում: Այդ խոսույթը նոր չի, որ ձևավորվել է: Լավ է, որ մենք ուշադիր ենք, արժի ուշադիր լինենք բոլոր այն դեպքերում, երբ այդ բառամթերքը հնչում է նաև տարբեր կողմերից, այդ թվում` օրինակ իմ նկատմամբ: Բնականաբար, որևէ մեկը չի կարող արդարացնել այդ խոսույթը»,- շեշտեց նախարարը:
Նշենք, որ նախարարը ԵՊՀ է այցելել մի շարք ենթակառուցվածքների բացմանը մասնակցելու նպատակով: Մայր բուհում է նաև վարչապետ Նիկոլ Փաշինյանը, որը ֆիզիկայի ֆակուլտետ մտնելուց առաջ հրաժարվեց հարցերի պատասխանել:
Մանրամասները` տեսանյութում:
Արփի Հակոբյան
