06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Վենեսուելահայ Դոմինգո Հինդոյանը՝ Լոս Անջելեսի օպերային թատրոնի երաժշտական տնօրեն
Հասարակություն
01.06.2025 | 18:06
Լոս Անջելեսի օպերան հայտարարել է, որ հայկական արմատներով վենեսուելացի դիրիժոր Դոմինգո Հինդոյանը կստանձնի երաժշտական տնօրենի պաշտոնը, այս մասին նշվում է օպերայի պաշտոնական կայքէջում։
Նրա հնգամյա պայմանագիրը կսկսի գործել 2026 թվականի հուլիսի 1-ից և կշարունակվի մինչև 2031 թվականը։ Դոմինգո Հինդոյանը Լոս Անջելեսի օպերայում իր դեբյուտն ունեցել է 2024-ի նոյեմբերին՝ Գունոյի «Ռոմեո և Ջուլիետ» օպերայով։
Նա նաև ղեկավարում է Լիվերպուլի թագավորական ֆիլհարմոնիկ նվագախումբը։ Հինդոյանը հանդես է եկել աշխարհի հայտնի օպերային թատրոններում՝ ներառյալ Մետրոպոլիտեն օպերա, Վիեննայի և Փարիզի օպերաներ, Բեռլինի պետական օպերա և այլն։ Նա թողարկել է մի քանի ձայնասկավառակներ, վերջինը՝ Չայկովսկու ստեղծագործություններով՝ 2025-ի ապրիլին:
