22.09.2026 | 13:31
Լիոնել Մեսին երկրորդ տեղ է բարձրացել տուգանային հարվածով գոլերի ցուցանիշով. ՏԵՍԱՆՅՈՒԹ
Իրանը արագացրել է մինչև 60% հարստացված ուրանի արտադրությունը. AFP
Քաղաքականություն
31.05.2025 | 15:46
Իրանը արագացրել է մինչև 60% հարստացված ուրանի պաշարների արտադրությունը, որը մոտենում է միջուկային զենք արտադրելու համար անհրաժեշտ 90% մակարդակին. գրում է AFP-ն՝ հղում անելով Ատոմային էներգիայի միջազգային գործակալության (ԱԷՄԳ) գաղտնի զեկույցին։
Նշվում է, որ ընդհանուր քանակը մայիսի 17-ի դրությամբ կազմել է 408.6 կգ, ինչը վերջին երեք ամիսների ընթացքում 133.8 կգ-ով ավելի է։
«Իրանի կողմից արտադրության այս զգալի աճը և հարստացված ուրանի կուտակումը, որը միակ միջուկային զենք չունեցող պետությունն է, որն արտադրում է նման միջուկային նյութեր, լուրջ մտահոգություններ է առաջացնում», – գրել է գործակալությունն իր զեկույցում։
«Իրանը բազմիցս կամ չի արձագանքել, կամ տեխնիկապես հավաստի պատասխաններ չի տրամադրել ԱԷՄԳ-ի հարցադրումներին և «մաքրել է» տեղանքները, ինչը խոչընդոտել է գործակալության ստուգումներին երեք չհայտարարագրված վայրերում՝ Լավիսան-Շիանում, Վարամինում և Թուրքուզաբադում», – ասված է ԱԷՄԳ-ի երկրորդ զեկույցում։
Արևմտյան երկրները՝ Միացյալ Նահանգների գլխավորությամբ, և Իսրայելը՝ Իրանի երդվյալ թշնամին, որը փորձագետների կողմից համարվում է Մերձավոր Արևելքի միակ միջուկային տերությունը, կասկածում են Թեհրանին միջուկային զենք ձեռք բերելու ձգտմանը։
Թեհրանը հերքում է նման ռազմական հավակնություններ ունենալը, սակայն հղում է անում քաղաքացիական միջուկային էներգիայի իրավունքին, համաձայն՝ «Միջուկային զենքի չտարածման մասին» պայմանագրի (NPT) դրույթների, որի ստորագրող կողմն է հանդիսանում Իրանը։
Հիշեցնենք, որ Թեհրանը և Վաշինգտոնը մայիսի 23-ին Հռոմում անցկացրին բանակցությունների հինգերորդ փուլ՝ Օմանի սուլթանության միջնորդությամբ։
Իրանցի բանակցող Աբբաս Արաղչին և նրա ամերիկացի գործընկեր Սթիվ Վիտկոֆը բաժանվեցին առանց էական առաջընթաց արձանագրելու, բայց հայտնեցին իրենց պատրաստակամությունը հետագա քննարկումների համար։
Թարգմանությունը՝ Անահիտ Խաչատրյանի
