29.04.2026 | 18:39
Ադրբեջանցի դիվանագետը ազատազրկման է դատապարտվել 70 կիլոգրամ ոսկու մաքսանենգության համար
Ադրբեջանի ՊՆ-ն՝ Խոզնավարի ուղղությամբ կրակելու մասին
Քաղաքականություն
30.05.2025 | 13:13
Բաքուն արձագանքել է ՀՀ պաշտպանական գերատեսչության հաղորդագրությանը Սյունիքի մարզի Խոզնավար բնակավայրի ուղղությամբ կրակ բացելու վերաբերյալ։ Ադրբեջանական ռազմական գերատեսչությունը հայտարարել է, թե հայկական կողմը, իբր, կրկին ապատեղեկատվություն է տարածել։
«ՀՀ Պաշտպանության նախարարության կողմից տարածված տեղեկատվությունը, թե մայիսի 30-ին ժամը 00:10-ից մինչև 01:00-ն ադրբեջանական բանակի ստորաբաժանումների կողմից Խոզնավար բնակավայրի ուղղությամբ արձակված ենթադրյալ կրակի հետևանքով վնասվել է բնակելի շենք և սպանվել մանր եղջերավոր անասուն, բացարձակ սուտ է»,- ասվում է հայտարարության մեջ՝ առանց որևէ փաստական ապացույցների։
Նշվում, թե ադրբեջանական բանակի ստորաբաժանումները, իբր, երբեք չեն թիրախավորում քաղաքացիական անձանց և քաղաքացիական օբյեկտները։
ՀՀ ՊՆ-ն այսօր հայտնել է Խոզնավարի ուղղությամբ ադրբեջանական հերթական կրակոցների մասին՝ ադրբեջանական կողմին կոչ անելով հետաքննել Խոզնավարի բնակելի տան գնդակոծման փաստը և հանդես գալ հրապարակային պարզաբանումներով։
Թարգմանությունը՝ Էմմա Չոբանյանի
