01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Փաշինյանի արածը խուլիգանություն է, ՔՊ-ականները պետք է քննարկման առարկա դարձնեն գրառումները. Արթուր Խաչատրյան․ ՏԵՍԱՆՅՈՒԹ
Քաղաքականություն
30.05.2025 | 12:41
«Նման գրառումը անարգալից լինելն ուղղակի պարզ խուլիգանություն է։ Նման ոճի գրառում երկրի ղեկավարը չի կարող իրեն թույլ տալ։ Կրթող և կրթվող մարդը չի կարող իջնել զազրախոսության, խոհանոցի բամբասանքի մակարդակի», -խորհրդարանական ճեպազրույցների ժամանակ նման տեսակետ հայտնեց «Հայաստան» խմբակցության պատգամավոր Արթուր Խաչատրյանն՝ անդրադառնալով Նիկոլ Փաշինյանի գրառումներին։
Խաչատրյանի կարծիքով՝ Փաշինյանի թիմակիցները նրա վարքագիծն առնվազն պետք է քննարկման առարկա դարձնեն։ Ըստ պատգամավորի՝ այս հարցում անելու բան ունեն նաև իրավապահ համակարգի ներկայացուցիչներրը։
Հիշեցնենք, որ այսօր առավոտյան վարչապետ Նիկոլ Փաշինյանը ֆեյսբուքի պաշտոնական էջում մեկը մյուսի հետևից մի քանի գրառում էր արել՝ ուղղված Հայ Առաքելական եկեղեցու հոգևոր դասին։ Իսկ երեկ կառավարության նիստին Փաշինյանը անդրադարձել էր եկեղեցիների նկամամբ մարդկանց վերաբերմունքին, նշելով, որ որոշ տեղերում դրանք «չուլանացված» են՝ նկատի ունենալով կառույցները որպես անպետք իրերի պահեստ օգտագործելը։ Վարչապետի այդ հայտարարությանը հաջորդել էր մի քանի հոգևորականների արձագանքը, որոնք քննադատել էին Փաշինյանի ասածները։
Մանրամասները՝ տեսանյութում։
