01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
ՊՆ-ն կփոշմանի, եթե սա հերքի. Մամիջանյանը՝ այսօրվա կրակոցների մասին․ ՏԵՍԱՆՅՈՒԹ
Քաղաքականություն
30.05.2025 | 12:34
«Էսկալացիայի մասին խոսում են բոլոր՝ գերտերությունների բարձրաստիճան պաշտոնյանները։ Էսկալացիայի վտանգի մասին խոսում են բոլորը, բացի Հայաստանի պաշտոնյաններից» ,- այս մասին խորհրդարանական ճեպազրույցների ժամանակ ասաց «Պատիվ ունեմ» խմբակցության ղեկավար Հայկ Մամիջանյանը։
«Իրենք միտված են անել ամեն ինչ՝ Ադրբեջանին սպիտակեցնելու համար։ Էլ ինչո՞ւ են տանջվում, մամուլի հաղորդագրություններ գրում։ Թող ուղղակի տարածեն Ադրբեջանի ՊՆ հայտարարությունները»,- տեսակետ հայտնեց նա։
Մամիջանյանի խոսքով՝ գերտերությունների ներկայացուցիչների հայտարարություններից հասկանալի է դառնում, թե ինչքան վտանգավոր է դառնում Հայաստանի շուրջ ստեղծված իրավիճակը:
Հիշեցնենք՝ ՊՆ-ի փոխանցմամբ՝ մայիսի 30-ին՝ ժամը 00:10-01:00-ն ընկած ժամանակահատվածում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տան սանհանգույցը, և խոցվել է մեկ մանր եղջերավոր կենդանի։
Երեկ նույնպես ադրբեջանական կողմը թիրախավորել էր Խոզնավարը, կրակոցից մեկ բնակելի տուն էր վնասվել։
Մանրամասները՝ տեսանյութում։
