13.01.2026 | 14:41
25% մաքսատուրքի պատճառով ՀՀ-ն չի կարող հրաժարվել Իրանի հետ ապրանքաշրջանառությունից․ տնտեսագետ
Վանաձոր-Ստեփանավան ճանապարհին մեքենաներ են բախվել․ կան տուժածներ և զոհ
29.05.2025 | 09:30
Մայիսի 29-ին՝ ժամը 01:10-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ստեփանավան ավտոճանապարհին տեղի է ունեցել ՃՏՊ։ Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ. հայտնում են ՆԳՆ ՓԾ-ից։
Պարզվել է, որ Վանաձոր քաղաքի Մարշալ Բաղրամյան փողոցի թիվ 60 հասցեի մոտակայքում VAZ մակնիշի ավտոմեքենան բախվել է մայթեզրին կայանած Mercedes-Benz մակնիշի բեռնատարին. մեկ ուղևոր տեղում մահացել է։
Փրկարարները VAZ մակնիշի ավտոմեքենայից դուրս են բերել և շտապօգնության ավտոմեքենային մոտեցրել մեկ ուղևորի․ վերջինս և վարորդը հոսպիտալացվել են բժշկական կենտրոն։ Երկու ուղևոր ևս հոսպիտալացվել է բժշկական կենտրոն։ Փրկարարներն իրականացրել են ճանապարհի լվացման աշխատանքներ։
