12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
«Համոզված եմ, որ Լաչինից աշխարհին ուղարկված ուղերձները կհասնեն ճիշտ հասցեատիրոջը»․ Ալիև
Քաղաքականություն
28.05.2025 | 21:26
Այսօր եռակողմ ձևաչափով մենք կրկին հաստատեցինք մեր միասնությունը։ Այս մասին հայտարարել է Ադրբեջանի նախագահ Իլհամ Ալիևը գրավյալ Արցախի Բերձորում՝ Անկախության օրվան նվիրված համերգից առաջ ունեցած ելույթում։
Միջոցառմանը մասնակցել են նաև Թուրքիայի նախագահ Ռեջեփ Թայիփ Էրդողանն ու Պակիստանի վարչապետ Շահբազ Շարիֆը։
«Համոզված եմ, որ այն ուղերձները, որոնք երեք երկրներն այսօր աշխարհին հղում են Լաչինից, կհասնեն ճիշտ հասցեատիրոջը»,- հայտարարել է Ալիևը։
Նա, միաժամանակ, Հայաստանին մեղադրել է «օկուպացիայի մեջ»։
«Մենք կառուցել ենք ուժեղ տնտեսություն, և դրա արդյունքում մենք հատկացրել ենք անհրաժեշտ միջոցներ բանակ ստեղծելու համար։ Սա այն գործոնն է, որը մեզ տարավ հաղթանակի»,- ասել է Ադրբեջանի նախագահը՝ կրկին արդարացնելով Արցախում իրականացված էթնիկ զտումն ու հայափաթափումը՝ Արցախի դեմ սանձազերծված պատերազմը կրկին անվանելով «հակաահաբեկչական գործողություն»։
Բացի այդ, Ալիևը կրկին երախտագիտություն է հայտնել Թուրքիային և Պակիստանին Արցախյան 44-օրյա պատերազմում Բաքվին «ցուցաբերած քաղաքական և բարոյական աջակցության համար»։
Թարգմանությունը՝ Էմմա Չոբանյանի
